Monday, 17 December 2012

MATUPI-KAH MIAMANUA-DULIAN

http://christianeliakim.blogspot.com/




matu=dulian



MATU,DULIAN,KAH THA PEEK NAH,MATU CA THLI HAM LA


  • a lungna matu cakaw tengah Pathen awl ca patna
Thlanghing hingna awl hyp (The mystery of human life).

He diklai ah,n'tu dawngah ka hing kai, ka hingna kah a kam hlahna he n'tu hamla kai tila na mah oen na mah te na doet uh vai aw?Nang a meang thlang la khaw awm mai te nawh tah na bungpui rilcang khuutna te a meang paihyn lakhaw awmmai sui de,thlang boeih lawng soeng tila a paipui u van angla nang lawngkhaw na paipui van ai tila,tetah...
Tangka lawng thlang ngaikhykna pe thai nawh,
Cuihna lawngkhaw thlang ngaikhykna pe thai naw,
Awmtheenna oen n'huh n' dangna lawngkhaw thlang he ngaikhykna pe thai nawh.


" N'TU DAWNGAH KAI?"

N'tu dawngah tiahtah nang lawng na Ming haet hlang dawngah ni.

Te kah awl hyp te , cabi paruk(6) lawngah a van awng.

Pathen kah kamhlah na ( GOD'S plan)



Pathen kah a ngaihna tah a mah te Thlanghing rang oen atyng uh hamla ni. (Rom. 8:29). Te kah a kamhlahna hamla,Pathen lawng thlang te a mah muilawh la a syn ( Gen. 1:26 ). Kut mawca he kut n' byngna hamla kut mui phek la a tah ( asai ) u van angla, thlang khaw amah Pathen a awmna hamla Pathen kah mui phek la a syn. Ngai khyhna la a ka awm Pathen te n'dang na rang oen thlang lawng Pathen te a tyngsak thai ( 2Cor. 4:7).


  • 2. Thlang (Man)

A Mah kah a kamhlahna te a soepbir na thai hamla,Pathen lawng am pakhat angla thlang te a sai ( Rom.9:21-24).
Te am lawng thaihu pathum a khyh: pumsa, lungbui oen muithla ( 1Thes.5:23).
Pumsa(Body) tah pumsa ben kah a ka tukai u thaihu te n'tu kai na ham oen n'dang na hamla ni.(The things of physical realm)
Lungbui (Soul)lungbui tah amah lungbui ben kah thaihu te n'tu kaina ham oen n'dangna ham ni.(The things of psychological realm)
Thlanghing kah muithla(Spirit) tah thlang khui kah a kadung koek thaihula awm tih,Pathen amah te n'tu kai na ham oen n'dangna hamla asai (John 4:24).Na pumsa kah atlawhna tah siboi tengah na ceh pui thai, Mingna (lungbui ben kah) tlawhna te khaw lungbui ben kah siboi tengah na ceh pui thai.( the problems of mind one may visit apsychiatrist).Tede na muithla kah tlawhna tetah Pathen byng lawng ni a hoeih sak thai.
Pathen tah thlanghing kah ngaikhyhna la, thlanghing kah muithla khuiah te kuun angaih.Thlang he a bungpui khuiah buh byng asangna ham,nawh tah amingna khuiah cuihthoemna byng te a sang hamla nawh tih ,amuithla khuiah khaw Pathen te asangna ham ni (Eph.5:18).




  •  
    • 3.Thlang kah atlimna (Man's Fall)
    •  
Thlang lawng a muithla khuiah hingna la ka awm Pathen te a dang thai,tede adang hlan vengah thawlh te thlang khuiah vih vakuun (Rom.5:12).Thawlh lawng thlang kah muithla te a dyk sak (Eph 2:1),Mingna dawngah Pathen kah ral la a awm sak (Col. 1:21),A pumsa te thawlh kah thisa(pumsa) la acoeng sak (Gen.6:3;Rom.6:12).Tetih la,thawlh lawng thlanghing dawng kah thaihu pathum te boeih a pawci(arawk) sak tih Pathen oen pawlnengna te a pat sak.Te paihyn ka lawngah thlang lawng Pathen te dang thai tlaih nawh.


  • 4.Pathen kah rekrana hamla Kri kah tlangna(Christ's Redemption for God's Dispensing)



Tetih la a awm mai cakhaw thlang kah atlimna lawngah a cyhca vengkah ka awm Pathen kamhlahna te kanghalh pe thai nawh. A kamhlahna te a coengna thaina hamla (to accomplish) Pathen tah lahma cyhla Jesuh Krih tila akhy u thlang pakhat la te va coeng.(John.1:1,14).Te coengah thlang te, atlang thaina hamla Kri tah thinglam tai dawngah te dyk(Eph.1:7),tetih la a thawlh te ahla hlangla akhoe pe(John.1:19)tih, thlang te Pathen tengah koep a mel pui(Eph.2:13).A boetna ah,thawhkoep hingna ah,Hingna aka pe kung Muithla la te coeng(1Cor.15:45b) te coengah ni Bawipa lawng amah kah abetoet hingna te thlang kah muithla khuiah arekra thai hyn(John.20:22;3:6).


  • 5.Thlang thangthai koepna(Man's regeneration)

Krih te hingna a ka pekung Muithla la a awm coeng kalawng tah tahe ah thlang lawng amuithla khuiah,Pathen kah hingna te adang thai poen.Bible lawng tete thangthai koepna tila athui (1Pet.1:3;John 3:3).Te kah hingna te n'dangna thai hamla,thlang lawng Pathen tengah n'yut ham oen Bawipa Jesuh Kri ah n'tang hamla te angoe (Act.20:21;16:31).
N'thangthai koepna hamla na thinkaw te awng lang Bawipa tengah te mel,Bawipa tengla te na thinkaw cim oen thui lah,
Bawipa Jesu ,Kai tah thlangthawlh pakhat la ka awm. Nang kan ngoe. Kai hamla na dyk tih ka awmngaih.Bawipa Jesu, kai he n'ngaithoem mai hawn.Ka thawhna hli boeih ka lawngah n'ciim sak lah.Dykna kalawng,nang na thawhkoep tite kan tang na.Kai lawng tahe ah,nang te ka thlawnkung oen ka hingna la kan dang.Kai khuiah va kuun lah! Na hingna oen n'betoet sak lah! Bawipa Jesu,ka hingna he na kamhlahna hamla kan peek.Amen.

Mimanau Vanduhlian
Philippines.
November 17, 2010 at 8:18am


Sam Duhlian Miamanau hli,
Pathen awl rekrana

I.Athum hin kah Pathen thaihu sai
(Genesis.1:11-13,1:29-30;cf.Mark.4:8;Hosea.14:5-7)
  • A.Akung hingna pathum
1.Ram hingna(grass)
2.Si la ka theen akung hingna(the herbs)
3.A thaih aka rah thingkung hingna( the fruit trees)


Gensis.1:29-30 dawngah Pathen lawng tuisi la ka theen akung oen athaih a ka rah thingkung te thlang ham buh la a peek tih,ram te tah ramsa hli oen vaitaw,pana hli kah buh la apeek te mami lawng n'huh u ai.


Nang Kri thlang pakhat la na awm vengah hingna te nang lawng na dang poen.Tede nang khuiah ka awm te hingna tetah broe nawhla hem hyn.Na khuiah ka awm, te hingna tah ram oen ni alawh u.Tetah hing tih, tetah roeng ;tede aka hem koek hingna ni.Huhzar ah nang ram angla na awm mai cakhaw,tihin ah tah na roeng na sang bet tih amu aka thoeng sak tuisi la ka theen akung la te na awm poen.Hla hlahih coengah nang tah athaih ka rah thingkung pakhat la te na awm ai tila kan tangna.Metihla, nang na mah oen na mah te-ram,tuisi la ka theen akung,nawh tah thingkung oen aw na lawh u kai? Bawipa mah lawng nang ram aw,tuisi la ka theen akung aw,nawh atah thingkung aw tila nang te n'doet ai.


Mami hingna dawngah ram kalawng thingkung toe la n'roeng coengah,mami lawng n' ngaikhyk hamla awm nawh, tete athum hin byng kah hyn ni aboetna moe nih.
Mami he ame pai hyn ah n'awm u kai?
II.Ali hin kah Pathen thaihu sai
(Gen.1:17,19,37:9-11;Malachi.4:2;Luke.1:78-79,Matt.4:16,Rev.1:20,Daneil.12:3)
B.Thaihu pathum
1.Khawmik(Kri)
2.Hla(Thlangboel)
3.Aisi hli(Thlangcim hli)


Mami lawng ali hin la n'cet tih Kri te khawmik aka thoeng angla,thlangboel(the church) te hlavang aka theen, hla(the moon) angla, broe nawhla ka zahawh thlangcim hli te aka vang aisi hli angla n'awmngaih uh tih,teah ni hingna ah n'roeng uh ai.
Mami lawng Kri,Thlangboel oen thlangcim hli te n' tukai u hamla angoe. Mami ame paihyn ah n'awm u kai?


  • C.Ramsa hingna pathum

1.Nga(fish)hingna
2.Va(Eagle)hingna
3.Vaitaw,Pana(Cattle)hingna
1.Nga hingna(Matt.4:19)


Nga he tui aka al tuipui khuiah hing.Tui al lawng thingkung hli he roeng sak nawh tih angawn let.Tui al kah acoengna lawng n' tu khat ca khaw roeng sak nawh tih hingna te angawn let.


Tede Nga tah tui al khuiah te hing thai.Tui lawng al mai cakhaw nga he adyk nawh atah metyk ah khaw al thai nawh.Tetah aka soep awl lung ni.
Thlangphun boeih oen thlanghing khaw sakna hli boeih he aka bohlang aka al tuipui oen ah lo u.Tihin toeah, Mami Kri thlanghli tah broe nawhla n'hing u. Mami tah te thlanghing khawsakna khuiah,khaw akasa thlang oen aka hing thlangla n'awm u ,tede te thaihu rang oen mami tah n'al hamla awm nawh.Tede mami he vaiat mah vih n' dyk kawi nih, n'al pahoei poen ai.Ngahli he ahing li vengah, lungkeh(alna) lawng ahimi te n'tu khaw sai thai nawh.Tui aka al khuiah nga hli tah hing uh thai.Tete kawpoek raina ni.Kri hingna aka khyh mami Kri thlanghli tah, he zinna ,aka caihnawh hingkhawsakna khuiah,n'hing u thai.Tede,mami tah he diklai hing khawsakna khuiah vih n'dyk u mai kawi nih, mami he aka al thlangla n'awm poen ai.


Tihin ah,nang he nahing kawi nih sengim kah na paza pakhat mai lawng aw movie byh hamla or (drugs)sai hamla n'zoek vengah nang lawng " ka ngaih nawh" na ti nah ai, n'tu lawng khaw nang te n'na (n'ta)thai ma nawh.Tede nang he na dyk maikawi nih,namah lawng tuu aka ngawnkung angla, movie zuun la te lamhala na mawt let ai.Tede "Haleluiah" mami tah hingna te n'khyh u.Hingna lawng dykna tuipui kalawngah ameang alna khaw boeih akhoe.Te hingna tah ameang dykna paihyn khuiahkhaw,hing thai.Tengvai dykna kah laklungah khaw te hingna tah hing thai.


Nga tah ramsa hli kah hingna khuiah aka hem koek la awm.Thlang ahuh vengah a heng taak de,caakawk oen azoek atah koep azoei peh.Tetih lah khaw mami lawng n'huh tawng u.

Anga hin kah Pathen thaihu sai
2.Va hingna(Eagle)Isaiah.40:31.


Nga coengah, zilh dawngah ka sawng Va hli te ahin nga na ah a sai.Tetah aka hem bet athetheen mingna (consciousness)oen haih ka awm aka sang bet hingna ni.Va kah hingna tah nga kah hingna lakah sang bet,nga tah akadyk tui hli khuiah hing thai , tede va lawng tah ahimi te ahuh thai.Mami tah nga la n'awm coengah va toela, n'roeng u hamla awm.Hu(eagle) lawng tah a oelh moe nih.Ame ang, raina khaw apai vengah hu lawng tah asang hlang la khawhli khuiah vik asawng taak.Sengim kah napaza hli lawng movie kungla ceh hamla athui vengah nang lawng khawhli khuiah asang la vik na sawng taak ai. Nang lawng tah na huh thai poen tih,a u lawng khaw n'tek thai tlaih ma nawh.Nang aka al lungkeh byng te na khoe nawh vehtih,te ang hli khawh seh na huh thai ai.


Nga hingna dawngah, aka cimcaih nawh paihyn khuiah n' hing u thai,
Va hingna dawngah tah raina hli te n'zaakming pui uh thai tih asangla,a hla la n'sawng taak thai u. Nupa,miamanau, n'zuca lawng raina, thekhana m'peek vengah,n'zaakming peh thai u tih ahla la n'sawng taak u thai.Va hingna ah, raina hli te ahla la n'rel taak thai u.
3.Vaitaw,Pana kah hingna


Tede alakvengah, kai tah hu (eagle)pakhat la ka awm,ka huh thai tih ahla la ka sawng taak vengah,Bawipa lawng n'ti na,"a hla la sawng taak boel", vaitawpana la awm pe.Nang vaitaw ,pakhat la na awm hamla angoe.Thlangtloe hli te cuncah hamla suuktui aka thoeng sak nawtah, bibi pakhat la ahimi te n'khyn hamla ni.Na zu lawngah nang te raina n'peek vengah,ahla la sawng taak boel, ahih te suuktui thoem pe.(don't fly away give her some milk).Bibi pakhat la ahih te khyn lang cuncah.


Nang, ngawn ham oen al sak hamla Nava nawh tah nazu te,aka dyk tuiva la awm mai thai.Nang te thingkung pakhat nawh tah tuisi la akatheen akung pakhat la na awm mai kawi nih nang te ngawn la na awm phoei poen ai,tede nang tah thingkung hingna kalawng Nga hingna toela naroeng poen kawi nih nang tah na hing ai.

"Kuttuuk na oen ngawnna"



Khatsut cadawng hula hli tah kut atuuk u hlan vengah soeh theen u.Tede kut atuuk u coeng kalawng tah ahimi tah ngawnla awm poen.Va cadawng hli tah zu hula hli rang oen ngawnla awm uh tih,Zu hula hli khaw va cadawng hli rang oen ngawnla awm u. Aka hing nga la aka roeng poen khatsut thlangcim hli tah, va hli lawng ameang alna (raina) pe mai cakhaw zu hli lawng n'tu lah khaw sak tlaih nawh tih,zu hli kah raina peekna
te khawh seh va hli lawng n'tu lah khaw sak van tlaih nawh.


Bawipa Jesu tah Pathen la awm de,Pathen kah kamhlahna te asoep sak thai hamla vaitaw pakhat angla awm hamla diklai dawngah va law.Bawipa lawng apum te apeek tih mami kah bibi hli boeih te akhyn.
Amen.
Life study of Genesis message 4
Witness Lee
November 17, 2010 at 11:06pm
  • He kah atel tang te he kailawng copy koep kavan sai uh mai ni...thlang yahawh lawng ahuh nathai ham la
PAKIM>He kah ca akarel thli ham la bawipa kah thai hu sai na he,
sai mailai awm nawh tite namik tyng yoe yah ai tite,jesuh ong na rang oen ka ngaih uep
                  CATEL KUNG TAH,MIAMANUA,DULIAN
  HEKAH CA AKA REL THLI SAW AH BAWIPA LAWNG ZOTHEN NAH N'PEE HAWN SEH AMEN.

ျမန္မာ အဂၤလိပ္ ၂ ဘာသာျဖင့္ စာ႐ိုက္ၿပီး ရွာႏိုင္သည္

2 comments:

  1. hi...very good..any more...frd

    ReplyDelete
  2. ren na oen ah..asaw kah ka tel,matu,thlang phyn hli kah thlang bol kawng hu tila katel ke..kapalh la awm..ka voe lah ai ka ti de..ka voe thai nawh tih,,ka khyh mai hyn ni ne,,,ka yym

    ReplyDelete

လူ႔အသက္တာ၏နက္နဲျခင္း

  လူ႔အသက္တာ၏နက္နဲျခင္း သင္သည္ ဤကမၻာေျမႀကီးေပၚတြင္ အဘယ္ေၾကာင့္ အသက္ရွင္ေန၍ သင့္အသက္တာ၏အဓိပၸါယ္မွာအဘယ္အရာနည္းဟုစဥ္းစားဆင္ျခင္မိပါသလား။ဤနက...